डेस्क(khabargali)। एक लिंक अभी वॉट्सएप्प म जबर वायरल करे जावत हे ए लिंक म लिखाय हवय Officially WhatsApp Launched pink WhatsApp With Extra New Featured Must Try this एखर मतलब ए हवय की वॉट्सएप्प ह नवा फीचर संग अधिकारिक रुप ले पिंक वॉट्सएप्प लांच करे हवय एला ट्राई करव।
ए हवय सच्चाई
आप मन ल बता दन के वॉट्सएप्प ह अईसे कोनो प्रकार के एप नई लांच करे हे। एखर मतलब ए होईस के वायरल होवत ए मैसेज ह फेक हरे काबर की मैसेज म दे गे जानकारी ह गलत हे।
अब सवाल ये हवय की ए लिंक काबर वायरल होवत हे?
त आप मन ल बता दन की ये मैसेज अपने अपन ही शेयर हो जावत हे जेन भी ह एला अपन फोन म इंस्टाल करत हे ओखर बाद जब वो एप ल खोलत हे त उही बेरा म ओखर संपर्क के सबो ग्रुप म अपने अपन ए लिंक ह शेयर हो जावत हे। ए खबर के उद्देश्य ए बिल्कुल नो हय की वो एप ल खराब कहाय बल्कि सिरीफ जानकारी के उद्देश्य ले ए खबर ल रुप दे गे हवय। पर हाँ आप मन ह सतर्क जरुर हो सकथव।
- Log in to post comments
